ملک بھر میں دو ہفتوں تک جاری رہنے والی قومی مہم کا ہدف — 5 سے 15 سال تک کے 5 کروڑ 70 لاکھ بچوں کو بیماریوں سے محفوظ بنانا
پاکستان میں بچوں کو خطرناک بیماریوں سے تحفظ فراہم کرنے کے لیے ملک گیر سطح پر ایک وسیع ویکسینیشن مہم کا آغاز کر دیا گیا ہے، جس کے دوران مجموعی طور پر 57 ملین بچوں کو خسرہ (Measles)، روبیلا (Rubella) اور پولیو کے خلاف حفاظتی ٹیکے لگائے جائیں گے۔ وفاقی و صوبائی وزارت صحت کے مطابق یہ مہم دو ہفتوں تک جاری رہے گی اور اس میں لاکھوں رضاکار اور تربیت یافتہ ہیلتھ ورکرز حصہ لے رہے ہیں۔ حکام کا کہنا ہے کہ مہم کا مقصد ان بیماریوں کے دوبارہ پھیلاؤ کو روکنا ہے، خاص طور پر ان علاقوں میں جہاں پچھلے چند سالوں میں ویکسی نیشن کی شرح کم دیکھی گئی۔
حکومت نے والدین سے اپیل کی ہے کہ وہ اپنے بچوں کو قریبی ویکسینیشن سینٹر یا اسکول کیمپ میں لازمی لے کر جائیں، جبکہ WHO اور UNICEF نے بھی پاکستان کی اس کوشش کو سراہتے ہوئے کہا ہے کہ یہ اقدام ملک میں بچوں کی صحت کے لیے نہایت اہم ہے۔ مہم کے دوران نگرانی کے سخت انتظامات کیے گئے ہیں تاکہ کوئی بھی بچہ حفاظتی ٹیکے لگوانے سے محروم نہ رہ جائے۔
